المنتديات الشاملة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المرجح في المستوي

5 مشترك

اذهب الى الأسفل

المرجح في المستوي Empty المرجح في المستوي

مُساهمة من طرف Happy florens 2012-11-06, 19:48


انا فهمت درس المرجح بعد جهد وعناء وحبيت نفيدكم
بالتوفيق للجميع

Wink
أولا المرجح هذا صح مصطلح جديد ..بصح ما لازمش يخلعنا ، المصطلحات الجديدة كي نوالفوها تولي عادية وسهلة



كي نقولو G مرجح A و B فنحن نقصد أن G هي النقطة التي تجعل النقطتين A و B في توازن ..مثل الميزان تماماً



تكون كتلة من جهة وكتلة من جهة اخرى وفي الوسط كاين حاجة اللي تحفظ توازنهما ..وهي نقطة وحيدة ..لا ثاني لها



هذا هو معنى المرجح بصفة عامة



الآن شوفو ..احنا النقطة باش تكون مرجح لازم يكون مجموع المعاملان a و b
المرفقان بـ GA -شعاع- وGB -شعاع- على الترتيب غير معدوم..هذا هو الشرط
تاعنا..


إذا كان مجموعهم يساوى الصفر ماتكونش اللنقطة G مرجح A وB ..



ممبعد كي يقولك بلي G هي مرجح النقطتين A وB أو يقولك G هي مرجح الجملة
المثقلة(B;b),(A;a) - والمعنى واحد - فهذا يعني أن G هي النقطة اللي تخلي A
و B متوازنتان - تخيلو أن A وB كتلتان موضوعتان على كفتي الميزان ..واحد
مثلا اكبر من اختها ..احنا نشوفو وين تكون G بالتحديد باش تكون الكتلتان
هادوكAوB في وضع توازن ..واش نديرو ؟نروحو للعلاقة تاعنا اللي تقول



aGA+bGB+=0 .... وطبعا ماتنساوش الأشعة انا هنا ماكاش كيفاش ندير سهم مالفوق



هاذي العلاقة باختصار معناها أن G هي مرجح الجملة المثقلة (B;b),(A;a) حيث a
وb عددان معلومان-نعرفوهم-وA وB نقطتان ثابتتان -ماهمش يتحركو،ولوكان
يتحركو مصيبة المرجح في المستوي Biggrin ،لوكان يتحركو ماراحش تكون G وحيدة،لأنهم كل ما يتحركو تتغير G -هكا اتخيلتها وما نعرف ..



الآن كيفاش ننشئو G ؟..نرجعو للعلاقة هاديك aGA+bGB+=0 ونعوضو بقيمتي ألفا وبيتا ..وممبعد نحسبو عادي ..



نأخذ مثالا :



A وB نقطتان متمايزتان من المستوي ..-يعني انشئهما كيفما أحببت ..المهم مايكونوش منطبقين على بعضهم -


أنشئ النقطة G مرجح الجملة المثقلة (B;5),(A;-2) .



الحل :



اولا : 5+(2-)=3=/ 0 ..إذا فعلا G هي مرجح الجملة المثقلة (B;5),(A;-2) .



لدينا : aGA+bGB+=0 أي 2GA+5GB=0- ومنه 2GA+5(GA+AB)=0-



*هنا دخلت A حسب علاقة شال هدا ماكان ، وباش ما تتخلعوش دايما نديرو هكا الطرف التاني ندخلو فيه A..



نكمل الحساب أي 2GA+5GA+5AB=0- وعليه 3GA=-5AB أي 3AG=-5AB-



*ولات بالناقص على خاطر قلبت كانت GA ولات AG*



وقلبت لكي يسهل علي تعيين النقطة G ..احنا لازم ننطلقو من نقطة ثابتة باش نعينو نقطة مجهولة ماشي العكس ..A


نعرف خلاص انا اللي عينتها ..G هي اللي راهي مجهولة ..



المهم ، النتيجة النهائية هي :AG=5/3 AB ولا نقول AG=-5AB/-3..


ماعندناش في الرياضيات حاجة واسمها شعاع تقسيم عدد ..عندنا عدد مضروب في شعاع ..فهمتو شوية ؟



الآن كملنا ..نروحو للإنشاء ، وهو بسيط



نرسمو قطعة مستقيمة AB طولها كيما نحبو احنا -كيفي- ممبعد نقسموها لـ3 قطع متساوية ، وندو 5 قطع كما هي ابتداءا من النقطة A


يعني لا كان طول AB هو ثلاث مربعات تاع الكراس ..G راح يكون مكانها بعد 5 مربعات ...



ملاحظة



اللي جاتو الطريقة هذي صعيبة يقدر يخدم بطريقة تانية أسهل بكثير ..جات من العلاقة تاعنا aGA+bGB+=0 وهي:



AG=b/a+b AB.......يعني لوكان نروح نحل المثال هداك بهاذ الطريقة نلقاها بلا تكسار الراس نفس النتيجة



AG=5/-2+5 AB...أي AG=5/3 AB



المرجح في المستوي Biggrin



ما تقولوليش علاش كنتي امالا تخلطيلنا بالطريقة الاولى مادام كاين هاذ
الطريقة ..لأن الطريقة الاولى هي الاهم ..هي الصح ، الثانية لربح الوقت
نستعملوها وغير كي يكون هكا السؤال مباشر ..



يعني اتعلمو الاولى واتعلمو التانية ..نسحقوهم بين زوج



Happy florens
عضو جديد
عضو جديد

الدولة : الجزائر
عدد المشاركات : 3

الرجوع الى أعلى الصفحة اذهب الى الأسفل

المرجح في المستوي Empty رد: المرجح في المستوي

مُساهمة من طرف يوسف النجم 2012-11-12, 14:07

بارك الله فيك اخي حقيقة هو سهل المرجح
يوسف النجم
يوسف النجم
عضو جديد
عضو جديد

الدولة : الجزائر
عدد المشاركات : 3

الرجوع الى أعلى الصفحة اذهب الى الأسفل

المرجح في المستوي Empty رد: المرجح في المستوي

مُساهمة من طرف imene angel 2012-11-20, 16:09

شكراااااا جزيلا لك اخي
imene angel
imene angel
عضو جديد
عضو جديد

الدولة : الجزائر
عدد المشاركات : 3

الرجوع الى أعلى الصفحة اذهب الى الأسفل

المرجح في المستوي Empty رد: المرجح في المستوي

مُساهمة من طرف الفتاة القوية 2013-05-14, 20:42

شكرا على الرغم من سهولة درس المرجح وارجوشرح درس التحاكي مع اعطاء بعض التمارين
الفتاة القوية
الفتاة القوية
عضو نشيط
عضو نشيط

الدولة : الجزائر
عدد المشاركات : 53

الرجوع الى أعلى الصفحة اذهب الى الأسفل

المرجح في المستوي Empty رد: المرجح في المستوي

مُساهمة من طرف gtugtu 2019-11-03, 11:12

جزاكم الله خيرا
http://virtuelcampus.univ-msila.dz/inst-gtu/
http://virtuelcampus.univ-msila.dz/inst-gtu/?cat=8
http://virtuelcampus.univ-msila.dz/inst-...ge_id=4408
http://virtuelcampus.univ-msila.dz/inst-...ge_id=4399
http://virtuelcampus.univ-msila.dz/inst-gtu/?page_id=27
http://virtuelcampus.univ-msila.dz/inst-gtu/?page_id=25
http://virtuelcampus.univ-msila.dz/inst-gtu/?cat=18
http://virtuelcampus.univ-msila.dz/inst-gtu/?cat=17

gtugtu
عضو مميز
عضو مميز

الدولة : الجزائر
عدد المشاركات : 2561

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى